تمر خستاوي//بقلم الأستاذ ،، أبو منتظر السماوي
تمــــــــر خستــــــــاوي
*******************
مزيونه وشمحله الخصر
ترميــــــك بعيون الشكَر
حبها وحــــــكَ الله سحر
والخد تمـــــــــــــر خستاوي
سمره وحــــــكَ الحمزه
شالـــــــت ابعبها خرزه
رايد لــــــــي منها نكَزه
جنها عســـــــــــــل عجماوي
مَشيتها جَـــــن مَشيَة أسد
محروسه من عين الحسد
متحزّمه ابحبـــــل المسد
ولون الوجـــــــــــه حنطاوي
شفّتها مــــو بس للمص
وعيونها اتكّصـك كَص
والنهد لكـــــــن أبرص
دبله العنــــــــــــب حلّاوي
لـــــــو ردت بس تدَّنه
بالدم تــــــــــره تتحنّه
وعليـــــك تحسب منّه
وتجعل كَليبــــــــــك داوي
لو دِنــــه منها امعمّم
ابقل هو ال تلكَا تمتَم
لا ينجه بَـــدْ لا يسلم
بعمامتــــــــــــه دهداوي
للفرجـــــه مـــــــو تتلمّس
لو تكَرب يصيبـــــك مَس
اتكَرطك مثل كَرْط الخس
وتضحك ضحك مصلاوي
تعليقات
إرسال تعليق