إيمانا مني بالفكرة //بقلم الأستاذة ياسمين عبود
ايمانا مني بالفكره
وضبابية مصير بكره
ايمانا مني بالاقدار
انا هبصم وبالعشره
انه مافيش اكيد مضمون
ولا تخطيط ولا خطه
ولا ينفع نقول هيكون
ولا نقدر نقول امتى
ايمانا مني بالمجهول
ولأني عاقل مسؤول
هخلي فكرتي حاضره
واحاصر نفسي بالواقع
عشان احلامي مش قادره
لا ليها سلاح تحارب بيه
ولا في الخداع شاطره
هحط خططي جوه ادراج
واكتب ع البيبان يافطه
خلاص مبقتش انا محتاج
سبب لليأس او حجه
انا حواليا مليون ايد
بتنهش روحي بالحته
وده معتاد مكنش جديد
مربوطه امالي ١٠٠ربطه
ولما صرخت قالوا حرام
اقدارنا ما فيها كلام
ولسان الامل خرسوه
واحلامنا بقت ساكته
وانا وصلني بردو
الدرس
وأمنت معاكوا بالفكره
#ياسمين عبود
تعليقات
إرسال تعليق